Իբրահիմովիչը պահանջել է 100 միլիոն եվրո աշխատավարձ
Չինական ակումբները մեկը մյուսի հետևից հետաքրքրություն են ցուցաբերում ՊՍԺ-ի հարձակվող Զլատան Իբրահիմովիչի հանդեպ: Կողմերի մեջ ընթանում են բանակցություններ:
Չինական ակումբներից ոմանք Իբրահիմովիչին առաջարկել են աստղաբաշխական գումար, սակայն Զլատանը կարծում է, որ դեռ ասելիք ունի Եվրոպայում:
Ակումբներից մեկը խոստացել է Զլատանին դարձնել աշխարհի ամենաբարձր վարձատրությունն ունեցող ֆուտբոլիստը՝ վճարելով տարեկան 70 միլիոն եվրո: Ի պատասխան սրան՝ Իբրահիմովիչը պահանջել է 100 միլիոն եվրո աշխատավարձ:
Իբրահիմովիչի և ՊՍԺ-ի պայմանագիրն ավարտվում է մրցաշրջանի ավարտին:
Այս մրցաշրջանում Լիգա 1-ում Իբրահիմովիչն անցկացրել է 27 հանդիպում, որոնցում հեղինակել է 32 գոլ և կատարել է 13 գոլային փոխանցում:
Սիրարփի Աղաբաբյան
