«Հաճելի է վերադառնալ Անգլիա». Բեյլ
Մադրիդի «Ռեալի» կիսապաշտպան Գարեթ Բեյլը լրագրողների հետ զրույցում խոսել է Չեմպիոնների լիգայի կիսաեզրափակիչ փուլի՝ «Մանչեսթեր Սիթիի» հետ խաղի մասին:
Բեյլը, ով երկար տարիներ խաղացել է Պրեմիեր լիգայում, նշել է, որ միշտ էլ հաճելի է վերադառնալ Անգլիա: Խաղը հեշտ չի լինելու, բայց իրենք պատրաստ են հաղթել:
«Մեր մրցակցի մարզադաշտը հրաշալի է, խոտածածկը՝ շատ լավը: Այնտեղ հաճելի է խաղալը: Այս դաշտում ես շատ լավ խաղեր եմ անցկացրել:
Շատ կարևոր է արտագնա խաղում գոլ խփել: Մեր մարզադաշտում մենք ավելի մեծ շանսեր կունենանք, մենք այնտեղ միշտ ուժեղ ենք խաղում: Եթե այստեղ գոլ բաց չթողնենք, ապա ավելի վստահ կլինենք սեփական հարկի տակ»,- նշել է Բեյլը:
Սիրարփի Աղաբաբյան
