Չավուշօղլուն պատասխանել է Ռուսաստանի պաշտոնատար անձանց՝ Ղարաբաղի հակամարտության սրացման հարցում Թուրքիայի դերի մասին հայտարարություններին
Ես չեմ պատրաստվում պատասխանել Ռուսաստանի պաշտոնատար անձանց հայտարարություններին: Նման կարգի հայտարարությունները անտեղի եմ համարում: Թուրքիայի դիրքորոշումն այդ հարցով հայտնի է: Կրակի ռեժիմի դադարեցումը խախտել է Հայաստանը:
Ինչպես հայտնում է APA-ն, այս մասին հայտարարել է Թուրքիայի արտգործնախարար Մևլյութ Չավուշօղլուն՝ իր վերաբերմունքն արտահայտելով Լեռնային Ղարաբաղի հակամարտության սրացման հարցում ռուս պաշտոնատար անձանց՝ Թուրքիայի դերի մասին հայտարարություններին:
«Մի՞թե մենք ենք զանգահարել Հայաստանի ղեկավարությանը կամ հանդիպել նրանց հետ և ասել, որ հարձակվեն Ադրբեջանի վրա: Հայտարարությունների մեջ պետք է լրջություն լինի: Եթե դուք նայեք, թե ով է խախտել հրադադարի ռեժիմը, ապա կտեսնեք, թե ով է կանգնած դրա հետևում:
Մեծ լավատեսություն կլիներ դրական մոտեցում կամ քաղաքական կարգավորում ակնկալելը նրանցից, ովքեր պատասխանատվություն են կրում Ղարաբաղում հակամարտության թեժացման համար»,- ասել է թուրք նախարարը:
