Բարաք Օբաման ընթրել է հայտնի գրող Ջոան Ռոուլինգի հետ
ԱՄՆ նախագահ Բարաք Օբաման Լոնդոն այցի ժամանակ ընթրել է հայտնի գրող Ջոան Ռոուլինգի հետ, հայտնում է The Hollywood Reporter-ը:
Փակ ընթրիքը տեղի է ունեցել ԱՄՆ դեսպանի լոնդոնյան նստավայրում ապրիլի 23-ին: Երեկ Փոթերիանայի հեղինակի մամուլի քարտուղարը հաստատել է, որ գրողը եղել է հյուրերի թվում:
Միջոցառմանը ներկա է եղել նաև Մեծ Բրիտանիայի վարչապետ Դևիդ Քեմերոնը:
Օբաման և Ռոուլինգը բազմիցս հանդիպել են: Նրանց առաջին հանդիպումը տեղի է ունեցել 2009 թվականին: 2010թ. գրողն այցելել էր Սպիտակ տուն՝ Զատկի միջոցառումների շրջանակում, հայտնում է Mashable-ը:
