Առաջիկա օրերին ջերմաստիճանը կլինի բարձր, սակայն երեկոյան ժամերին կլինեն տեղումներ
Ապրիլի 25-ին ՀՀ արտակարգ իրավիճակների նախարարությունում տեղի ունեցավ հերթական ամենշաբաթյա խորհրդակցությունը, որը վարեց նախարար Արմեն Երիցյանը:
Փրկարար ծառայության տնօրենի ժամանակավոր պաշտոնակատար, փ/ծ գեներալ-մայոր Վրեժ Գաբրիելյանը զեկուցեց շաբաթվա ընթացքում գրանցված պատահարների, ձեռնարկած միջոցառումների և ընթացիկ աշխատանքների մասին: Շաբաթվա ընթացքում փրկարար ծառայությունն արձագանքել է 122 դեպքի:
«ՍՊԾ» գործակալության պետ Հ. Պետրոսյանը զեկուցեց ընթացիկ աշխատանքների և նախատեսվող միջոցառումների մասին: Գործակալության պետը հայտնեց, որ շարունակվում են աշխատանքները Գառնիի երկրաֆիզիկական դիտարանի վերազինման ուղղությամբ:
«Հիդրոօդերևութաբանության և մթնոլորտային երևույթների վրա ակտիվ ներգործության ծառայություն» ՊՈԱԿ-ի տնօրեն Լ. Վարդանյանը խորհրդակցությանն անդրադարձավ ընթացիկ աշխատանքներին, ներկայացրեց եղանակի կանխատեսումը: Տնօրենի փոխանցմամբ՝ առաջիկա օրերին սպասվում է գարնանային անկանոն եղանակ, ջերմաստիճանը կլինի բարձր, սկայն երեկոյան ժամերին տեղումներ են սպասվում: Տեղ-տեղ հնարավոր է կարկուտ, ինչի կապակցությամբ ծառայությունը համապատասխան միջոցառումներ է ձեռնարկել:
