Բակո Սահակյանը և Րաֆֆի Հովհաննիսյանը քննարկել են ԼՂ-ին վերաբերող հարցեր
Լեռնային Ղարաբաղի Հանրապետության նախագահ Բակո Սահակյանը եւ Րաֆֆի Կ. Հովհաննիսյանը այսօր հեռախոսազրույց են ունեցել ԼՂՀ ընդհանուր եւ հատկապես՝ առաջապահ դիրքերի ներկա իրավիճակի մասին:
«Ժառանգություն» կուսակցությունից տեղեկացնում են, որ Հովհաննիսյանն իր եւ իր անվան հետ կապված բոլոր հաստատությունների անվերապահ զորակցությունն է հայտնել Արցախի քաջարի ժողովրդին ու հերոս զինվորներին, ինչպեսեւ Հանրապետության ազատությանը, ամբողջականությանը, ինքնիշխանությանը եւ միջազգային իրավունքի ներքո համաշխարհային ճանաչմանը:
