Ռուսաստանը զսպում է ՆԱՏՕ-ի ընդլայնումը. Վաշինգտոն
Մոտակա տարիներին ՆԱՏՕ-ն չի ընդլայնվի Ռուսաստանի ապակայունության ռիսկի պատճառով: Այս մասին հայտարարել է դաշինքում ԱՄՆ մշտական ներկայացուցիչ Դուգլաս Լյուտը, հայտնում է Reuters-ը:
«Պրակտիկ տեսանկյունից ես բազմաթիվ հնարավորություններ չեմ տեսնում ՆԱՏՕ-ի հետագա ընդլայնման համար մոտ ապագայում, մոտակա մի քանի տարում, իսկ գուցե՝ ավելի շատ»,- հայտարարել է Լյուտը:
Նրա խոսքով՝ Ռուսաստանի կարևոր դերը ռազմավարական իրավիճակում զսպում է Հյուսիսատլանտյան դաշինքի ընդլայնումը:
Բացի այդ՝ Լյուտը նշել է, որ մոտ ապագայում անհնար կլինի հասնել այն բանին, որ Ուկրաինան և Վրաստանը համալրեն դաշինքի շարքերը:
Կրեմլը ՆԱՏՕ-ի գործողությունները սպառնալիք է համարում՝ ուղղված Ռուսաստանի ազգային անվտանգությանը:
