Թուրքիայի ընդդիմությունը հանդես է եկել մանկապիղծներին ամորձատելու առաջարկով
Թուրքիայի ընդդիմադիր «Ազգային շարժում» (MHP) կուսակցությունը հանդես է եկել երկրում մանկապիծներին ամորձատելու առաջարկով, գրում է թուրքական Haberturk թերթը:
Հաջորդ շաբաթ սպասվում է, որ կուսակցությունն իր առաջարկը կներկայացնի այդ հարցով խորհրդարանին:
Համաձայն պաշտոնական տվյալների՝ վերջին 10 տարում Թուրքիայում բռնաբարվել է 7800 երեխա:
Պարբերականը գրում է, որ MHP-ն իր պահանջները բացատրում է նրանով, որ մի շարք երկրներում արդեն նմանատիպ պրակտիկա գոյություն ունի:
Նախօրեին Ղազախստանի նախագահ Նուրսուլթան Նազարբաևը օրենք է ստորագրել, որը մասնավորապես առաջարկում է մանկապիղծներին ենթարկել պարտադիր քիմիական ամորձատման:
