Թուրքիայի արտգործնախարարը Հայաստանին մեղադրում է Ղարաբաղում «կրակի դադարեցման ռեժիմը խախտելու մեջ»
Թուրքիայի արտգործնախարար Մևլյութ Չավուշօղլուն, «Երիտասարդ դիվանագետների ուսուցման միջազգային ծրագրի» շրջանակում հանդիպելով թուրք երիտասարդ դիվանագետների հետ, հայտարարել է, թե «անընդունելի է Հայաստանի կողմից ադրբեջանական հողերի օկուպացիան»: Այս մասին հայտնում է թուրքական haberler.com կայքը:
«Մենք ականատես դարձանք Լեռնային Ղարաբաղում կրակի դադարեցման ռեժիմի խախտման: Ցավոք, Հայաստանը խախտել է կրակի դադարեցման ռեժիմը: Անընդունելի է Հայաստանի կողմից ադրբեջանական հողերի օկուպացիան»,- հայտարարել է Չավուշօղլուն:
