Օբաման այս տարի ևս չի ճանաչելու Հայոց ցեղասպանությունը
ԱՄՆ-ի Սպիտակ տան Ազգային անվտանգության խորհրդի պաշտոնատար անձինք տեղեկացրել են, որ նախագահ Բարաք Օբաման այս տարի եւս չի կիրառելու «Հայոց ցեղասպանություն» բառակապակցությունը: «Ամերիկայի ձայնի» հաղորդմամբ՝ այս մասին պաշտոնատար անձինք հայտնել են Ամերիկայի հայ դատի հանձնախմբին:
Այսպիսով, հայտարարում է Ամերիկայի հայ դատի հանձնախումբը, նախագահն իր պաշտոնավարման ընթացքում 8-րդ անգամ է խուսափելու արտասանել այն եզրը, որի մասին մի քանի անգամ խոսել է իր նախընտրական արշավի ընթացքում:
Հանձնախումբը հիշեցնում է, որ մինչեւ Սպիտակ տուն մուտք գործելը, Օբաման հստակ ու հաստատուն կերպով էր խոստացել Օսմանյան Թուրքիայում հայ մեկ եւ կես միլիոն հայերի ջարդը բնորոշել որպես «ցեղասպանություն»:
