Արցախում սպասվում է ջերմաստիճանի նվազում
Ապրիլի 12-ին Արցախում կդիտվի ամպամած եղանակ. ժամանակ առ ժամանակ սպասվում են անձրև և ամպրոպ:
Այս մասին «Արցախպրես»-ին տեղեկացրել են ԼՂՀ հիդրոօդերևութաբանության և մոնիթորինգի պետական ծառայությունից և հավելել, որ քամու հոսանքը կլինի հարավ-արևմուտքից` 2-7 մ/վրկ արագությամբ, իսկ ամպրոպի ժամանակ սպասվում է քամու ուժգնացում՝ 15-20 մ/վրկ արագությամբ:
Օդի միջին հարաբերական ջերմաստիճանը գիշերը կլինի +4 +8, ցերեկը՝ +10 +14:
Աղբյուրի հաղորդմամբ՝ անձրևային եղանակը կշարունակվի մինչև ապրիլի 16-ը, սակայն օդի միջին հարաբերական ջերմաստիճանն էապես չի փոխվի:
