Հետախուզական այց՝ Լավրովի այցից առաջ. «Հրապարակ»
«Հրապարակ» թերթը գրում է. «Պարզվում է՝ Հայաստան ժամանած, այդպես էլ Ղարաբաղ չմեկնած, համատեղ հայտարարությունը չընդունած Ռուսաստանի Պետդումայի ՆԳ ԱԱ մշտական հանձնաժողովի «այցը» նաև «հետախուզական» է եղել այսօր Հայաստան ժամանող Սերգեյ Լավրովի այցի ֆոնին. Ռուսաստանի պատգամավորական բլոկի ներկայացուցիչները փորձել են շոշափել հայ պատգամավորների «նյարդը» «Լավրովի փաստաթղթի» առնչությամբ՝ ըմբռնելու համար, թե ինչ տրամադրություններ են տիրում հայոց պառլամենտում քառօրյա պատերազմից հետո։
Նիստը հայերենով վարելը, Ղարաբաղ մեկնելու առաջարկը քանիցս պնդելը, լրագրողների «ռուսատյաց» հարցերը վերջիններիս անակնկալի են բերել։ Իրենք էլ իրենց հերթին երեկոյան՝ իրենց «պատվին» տրված ճաշի ընթացքում, «մեժդու ստրոկ» տեղեկացրել են հայ գործընկերներին, որ լուրջ անհանգստություններ ունեն Նախիջևանում Թուրքիայի կողմից կատարվող զորային կուտակումների առնչությամբ, ձեռքի հետ էլ «չեն բացառել» այդ ուղիով ԻԳԻԼ-ի ներկայացուցիչների հնարավոր «մուտքն» Արարատյան դաշտավայր և Երևան։ Շանտաժ էին անում, հարցրինք մեր աղբյուրին։ «Դժվար է ասել, թե ինչ էին անում, Ռասիյու ումոմնե պանյած»,-ասաց ճաշին մասնակցածներից մեկը»:
Ամբողջությամբ կարող եք կարդալ «Հրապարակ» թերթի այսօրվա համարում:
