Բլոգեր Անտոն Նոսիկի դեմ պատրաստվում են ծայրահեղականության մեղադրանք ներկայացնել
Հետաքննությունը մտադիր է հաջորդ երեքշաբթի ծայրահեղականության մեղադրանք առաջադրել ճանաչված բլոգեր, լրագրող և մեդիա-մենեջեր Անտոն Նոսիկի դեմ` Սիրիայում Ռուսաստանի ռազմատիեզերական ուժերի գործողությունների մասին տեքստի համար: Ըստ Ինտերֆաքսի՝ այս մասին հայտնել է նրա պաշտպան Սերգեյ Բադամշինը: Նա հայտնել է, որ իր պաշտպանյալին են հանձնել ծանուցում` ապրիլի 26-ին քննիչի մոտ ներկայանալու համար, որպեսզի նրան մեղադրանք ներկայացվի:
Երրորդ լեզվաբանական քննության արդյունքներով փորձագետները հայտնաբերել են «սիրիացիների հանդեպ թշնամություն սերմանելու լեզվաբանական հատկանիշներ»: Այդպիսով, Նոսիկի գործողություններում հանցագործության տարր է հայտնաբերվել:
