Խարդախության մեջ մեղադրվողն արդարացվել է
Շենգավիթ վարչական շրջանի ընդհանուր իրավասության դատարանում արդարացման դատական ակտ է կայացվել: Դատարանի նախագահ Դավիթ Բալայանը Մ. Աֆրիկյանին անմեղ է ճանաչել առաջադրված մեղադրանքում:
Նախաքննության ընթացքում նրան մեղադրանք է առաջադրվել այն բանի համար, որ նա խաբեությամբ և վստահությունը չարաշահելու եղանակով խոշոր չափերի հափշտակություն կատարելու դիտավորությամբ, իր ծանոթին ԱՄՆ ուղարկելու պատրվակով՝ նրանից վերցրել է 815.760 դրամին համարժեք՝ 2000 դոլար, որի վերաբերյալ գրել է ստացական, սակայն գումարը ստանալուց հետո չի կատարել խոստումը և այդ կերպ հափշտակել է գումարը: Դատարանում Հ. Աֆրիկյանի շահերը պաշտպանել է փաստաբան Հրանտ Անանյանը:
