Google-ը հետևելու է օգտատերերի դեմքերին
Google ըկերությունն արտոնագրել է ալգորիթմ, որը ճանաչում է օգտատիրոջ դեմքի արտահայտությունը նրա կողմից որոնողական հանձնումն ստանալուց հետո: Այս մասին գրել է The Next Web-ը:
Ընկերության ինժեներների մտահղացմամբ՝ ծրագիրը պետք է օգտագործի ճակատային խցիկը եւ շարժական սարքի տվիչները՝ օգտատիրոջ մարմնի ջերմաստիճանը եւ սրտի ռիթմը չափելու, ինչպես նաեւ նրա բիբերի լայնացումը, դեմքի կարմրումը, ցնցումները եւ թարթումները գրանցելու համար:
Այդ դիմաշարժության վերլուծության արդյունքում ընկերությունը ծրագրում է որոշել օգտատիրոջ բավարարության աստիճանը որոնողական հանձնումից եւ, ելնելով դրանից, շտկել իր աշխատանքը շարժական գաջեթներում:
