Մեդվեդևը կոչ է արել խստացնել միգրացիոն օրենսդրությունը
Եվրոպայում միգրացիոն ճգնաժամի սրացումից հետո Ռուսաստանը պետք է խստացնի սեփական միգրացիոն օրենսդրությունը: Ինչպես հայտնում է Interfax-ը, այս մասին հայտարարել է ՌԴ վարչապետ Դմիտրի Մեդվեդևը:
«Ուզում եմ ասել, որ մենք հիանալի հասկանում ենք չվերահսկվող միգրացիայի սպառնալիքը, մենք նախկինում էլ էինք դա հասկանում»,- ասել է նա՝ Պետդումայում՝ պատգամավորների հետ հարցուպատասխանի ժամանակ՝ պատասխանելով պատգամավորների հարցերին:
«Մենք միգրացիայի հարցով ամենաազատական օրենքները չենք ունեցել, իսկ հիմա՝ Եվրոպայում կատարված իրադարձություններից հետո, պետք է ավելի խստացնենք մեր միգրացիոն օրենսդրությունը»,-ասել է Մեդվեդևը:
Նա նաև բացատրել է, որ Դաշնային միգրացիոն կենտրոնը Ներքին գործերի նախարարության ենթակայությանը հանձնելը պայմանավորված է նաև Եվրոպայում միգրացիոն ճգնաժամի սցենարից խուսափելու համար: «Հարկավոր է, մարդու իրավունքները չխախտելով, մեզանից հեռու պահել այն խնդիրները, որոնց բախվել է Եվրոպան: Դրան պետք է միտված լինի կառավարության և օրենսդիրների գործունեությունը» , – ասել է ՌԴ վարչապետը:
