Թուրքիայի ոստիկանությունը հատուկ օպերացիա է սկսել գյուլենականների դեմ. կան տասնյակ կալանավորվածներ
Ստամբուլում և Թուրքիայի ևս 9 քաղաքներում Թուրքիայի ոստիկանությունը հատուկ օպերացիա է անցկացրել ԱՄՆ Փենսիլվանիա նահանգում ապրող նուրսիստների ու «Հիզմեթ» շարժման թուրք առաջնորդ, գյուլենական շարժման հիմնադիր, ողջ աշխարհում միլիոնավոր հետևորդներ ունեցող Ֆեթուլլահ Գյուլենի կողմնակիցների դեմ, հայտնում է Anadolu գործակալությունը:՟
Օպերացիայի ընթացքում ձերբակալվել է 88 մարդ, այդ թվում՝ Bank Asiya-ի աշխատակիցները, որոնք կասկածվում են Թուրքիայում արգելված նուրսիստների շարժմանը ֆինանսական աջակցություն ցուցաբերելու մեջ:
Ձերբակալվածներից շատերը մեղադրվում են ահաբեկչությանն աջակցելու ու ահաբեկչական կազմակերպությունների կազմում հանդես գալու մեջ:
