«Ապրիլի 2-ի առավոտյան արկն ընկավ ՀԷԿ և վնասեց երեք շարժիչներից մեկը, բարեբախտաբար, շենքը չպայթեց»
Հիդրոէլեկտրոկայանների աշխատանքի համար բարենպաստ եղանակներ են։ Մատաղիսի ՀԷԿ-ն այս եղանակներին 24 ժամվա կտրվածքով տալիս է 130-160 հազար կիլովատ էներգիա, սակայն քառօրյա պատերազմի ժամանակ թշնամու հրետակոծությունների հետեւանքով ՀԷԿ-ի աշխատանքը խափանվել է:
«Սարսանգ ջրամբարի ջուրը լրիվությամբ չի օգտագործվում եւ մենք ջուր ենք կորցնում, իսկ եթե ջուր ենք կորցնում, ապա կորցնում ենք նաեւ փող»,- ասում է Մատաղիսի կասկադի տեղամասի պետ Սերգեյ Ղրաղյանը։
Ապրիլի 2-ի առավոտյան արկն ընկավ ՀԷԿ եւ վնասեց երեք շարժիչներից մեկը: Շենքում հրդեհ բռնկվեց, սակայն, բարեբախտաբար, շենքը չպայթեց, իսկ աշխատողներն արագ կողմնորոշվեցին եւ հանգցրին հրդեհը։ Աշխատողներից ոչ մեկը չի վնասվել։
Վնասվել է հիդրոէլեկտրոկայանի առաստաղը, ապակիները ջարդվել են, շենքի վրա «Մատաղիս 1» գրության տառերը պոկվել եւ թափվել են ջրամբար։
«Թշնամին շարունակում էր հրետակոծությունը, սակայն ՀԷԿ-ը չի վնասվել։ Վնասվել է պահակակետը, «Արցախ ՀԷԿ»-ի ութ բնակարանոց շենքը»,- aparaj.am-ի հեռ զրույցում նշում է Ա․Ղրաղյանը։
Խաթարվել էր բջջային էլէկտրականության օդային գիծը։ Տեղամասի պետի խոսքով՝ մի քանի օրից կանցնեն աշխատանքի. շինարարները պետք է վերականգնեն առաստաղը, մասնագետները ստուգեն շարժիչները, պետք է փոխվեն ապակիները։
Մատաղիսի ՀԷԿ-ը գործում է 2012 թվականից։ ՀԷԿ-ն ունի 48 աշխատող։
