«Մարդիկ ուղղակի չեն պատկերացնում, թե ինչքան բարդ մրցաշար է Չեմպիոնների լիգան». Պեպ Գվարդիոլա
«Բավարիայի» գլխավոր մարզիչ Պեպ Գվարդիոլան ամփոփել է Չեմպիոնների լիգայի փլեյ-օֆֆում «Բենֆիկայի» դեմ անցկացրած խաղի արդյունքները (2:2):
«Ես շատ ուրախ եմ: Մարդիկ ուղղակի չեն պատկերացնում, թե ինչքան բարդ մրցաշար է Չեմպիոնների լիգան:
Պետք է շնորհավորել ակումբին, որ մենք նորից դուրս եկանք Չեմպիոնների լիգայի կիսաեզրափակիչ: 5 կիսաեզրափակիչ անընդմեջ. անհավանական է: Տարբեր ֆուտբոլիստներ, տարբեր մարզիչներ, բայց ակումբը միշտ առաջատար դիրքերում է: Հիասքանչ ստաբիլություն է:
Բայց մենք արդեն եղել ենք Չեմպիոնների լիգայի և Գերմանիայի գավաթի կիսաեզրափակիչներում անցյալ տարի: Հուսով եմ, որ այս մրցաշրջանում մենք ավելի հաջող հանդես կգանք այս մրցաշարերում»,- ասել է Գվարդիոլան:
Պատրաստեց Անի Գաբուզյանը
