«Մենք երբեք չենք դադարում հավատալ, որ կարող ենք հասնել մեր նպատակին». Դիեգո Սիմեոնե
«Ատլետիկոյի» գլխավոր մարզիչ Դիեգո Սիմեոնեն ամփոփել է Չեմպիոնների լիգայի փլեյ-օֆֆում «Բարսելոնայի» դեմ անցկացրած խաղի արդյունքները (2:0):
«Մեր թիմում հավաքված են ֆուտբոլիստներ, որոնք միշտ դաշտում տալիս են բոլոր ուժերը` հաղթանակի հասնելու համար: Ես ուրախ եմ նրանց համար: Մենք կարող ենք հաղթել կամ պարտվել, բայց միշտ հավատում ենք մեզ:
Մենք երբեք չենք դադարում հավատալ, որ կարող ենք հասնել մեր նպատակին: «Ատլետիկոն» երբեք չի հանձնվում, թիմը շատ լավ խաղ է ցուցադրում: Ինձ շատ հաճելի է տեսնել հանդիպման ավարտից հետո երկրպագուների ռեակցիան:
Այսօր մեր դեմ խաղում էր շատ ուժեղ մրցակից, բայց մենք գերազանց աշխատանք կատարեցինք:
Մենք պլանավորել էինք գոլ խփել հանդիպման առաջին խաղակեսում, իսկ հետո պայքարել յուրաքանչյուր գնդակի համար»,- ասել է Սիմեոնեն:
Պատրաստեց Անի Գաբուզյանը
