Ադրբեջանը հետաքրքրված է Իսրայելի հետ տնտեսական կապերի ընդլայնմամբ. Ադրբեջանի էկոնոմիկայի նախարար
Ադրբեջանի էկոնոմիկայի նախարար Շահին Մուստաֆաևն այսօր ընդունել է Ադրբեջանում Իսրայելի դեսպան Դան Սթավին, հայտնում է ադրբեջանական APA գործակալությունը:
Հանդիպման ժամանակ Մուստաֆաևը նշել է, որ ադրբեջանա-իսրայելական հարաբերությունները զարգանում են: Նա ընդգծել է, որ ներկայում Ադրբեջանում գործում է իսրայելական 37 ընկերություն, որոնք նաև մասնակցում են տենդերների:
Ադրբեջանցի պաշտոնյայի խոսքով՝ գոյություն ունեն լավ հնարավորություններ Իսրայելի հետ համագործակցելու առողջապահության, դեղագործական, գյուղատնտեսության, ՏՏ ոլորտներում, զբոսաշրջության, նավթային արտադրանքի արդյունահանման ոլորտներում:
Նա իսրայելական ընկերություններին հրավիրել է Ադրբեջան՝ ծանոթանալու երկրի նավթային ոլորտի պոտենցյալի հետ ու ուսումնասիրելու համագործակցության հնարավորությունները:
Սթավը, իր հերթին, նշել է, որ իսրայելական ընկերությունները հետաքրքրություն են ցուցաբերում Ադրբեջանի տնտեսության տարբեր ոլորտների նկատմամբ, այդ թվում՝ նաև դեղագործության տրանսպորտի, հեռահաղորդակցության:
