Եվրահանձնաժողովի անդամները Թեհրան այցի ընթացքում կքննարկեն նավթարդյունահանման հեռանկարները
Եվրահանձնաժողովի անդամներն ապրիլի 16-17-ը Թեհրան այցի ընթացքում կքննարկեն Իրանի նավթի արդյունահանման հեռանկարները նավթ արտադրող մյուս երկրների կողմից նավթարդյունահանման հնարավոր սառեցման պարագայում, լրագրողներին տեղեկացրել է ԵՄ ներկայացուցիչը:
«Մենք գիտենք, որ քննարկումներ են ընթանում երրորդ երկրների կողմից նավթի արդյունահանման սառեցման որոշումների մասին: Մենք գիտենք, որ Իրանը պլանավորում է ավելացնել նավթի արդյունահանումը: Հետևում ենք, թե ինչ է տեղի ունենում քննարկումների հետևում:
Մենք դեռևս չենք գնահատել հետևանքները, թե ինչ կարող է տեղի ունենալ: Դա այցի նպատակներից մեկն է՝ քննարկել այդ հարցը Իրանի նավթի նախարարի հետ»,- ինչպես տեղեկացնում է RIA Novosti-ն, ասել է ԵՄ ներկայացուցիչը, որը չի ցանկացել հրապարակել իր անունը:
