Բելառուսն առաջարկել է ԵՏՄ հաջորդ հանդիպումն անցկացնել Մինսկում
Բելառուսի վարչապետ Անդրեյ Կոբյակովն առաջարկել է Եվրասիական միջկառավարական խորհրդի հաջորդ նիստն անցկացնել Մինսկում՝ այն համատեղելով ԱՊՀ անդամ պետությունների կառավարությունների ղեկավարների հանդիպման հետ:
«Առաջարկում եմ անցկացնել մեր աշնանային հանդիպումը Մինսկում՝ այն համատեղելով ԱՊՀ կառավարությունների ղեկավարների խորհրդի հետ»,- ասել է Կոբյակովը Եվրասիական միջկառավարական խորհրդի ընդլայնված կազմով նիստի ժամանակ, տեղեկացնում է RIA Novosti-ն:
Ընդ որում՝ նա չի բացառել, որ այդ ժամանակահատվածում կարող են այլ առաջարկներ հնչել հանդիպումների մասին:
Հիշեցնենք, որ խորհրդի նիստը պետք է տեղի ունենար Երևանում ապրիլի 7-8-ը:
