Ռոնալդուն հեթ-տրիկ ձևակերպեց և խփեց 16-րդ գոլը Չեմպիոնների լիգայում
«Ռեալի» հարձակվող Կրիշտիանու Ռոնալդուն Չեմպիոնների լիգայի քառորդ եզրափակչի «Վոլֆսբուրգի» հետ անցկացրած պատասխան խաղում դարձավ 3 գոլի հեղինակ (3:0):
Առաջին երկու գնդակները պորտուգալացին խփեց առաջին խաղակեսում` 1.5 րոպեների ընթացքում (15-րդ և 17-րդ րոպեներին): Հեթ-տրիկը ձևակերպվեց հանդիպման վերջնամասում` 77-րդ րոպեին:
Առաջին գոլի դրվագում ասիստենտի դերում հանդես եկավ թիմի պաշտպան Դանիել Կարվախալը: 2-րդ դեպքում հարձակվողն օգտվեց Տոնի Կրոսի անկյունայինից կատարած փոխանցումից: 3-րդ գնդակը Ռոնալդուն խփեց տուգանայինից կատարած ուղիղ հարվածով:
Չեմպիոնների լիգայի ընթացիկ մրցաշարում Ռոնալդուն դարձել է 16 գոլի հեղինակ:
Պատրաստեց Անի Գաբուզյանը
