«Հոյակապ երեխա». այսօր վերջին հրաժեշտը կտան Արցախում զոհված Արման Անդրեասյանին
Արցախում զոհված զինծառայող Արման Անդրեասյանը Շիրակի մարզի Մեծ Մանթաշ համայնքից էր: Հայրենի գյուղում այսօր՝ ժամը 13:00-ին կհուղարկավորեն 1996թ. ծնված զինծառայողին: Արման Անդրեասյանը կոչումով սերժանտ էր, բանակ էր զորակոչվել 2014թ.:
168.am-ի հետ զրույցում Մեծ Մաթաշ համայնքի ղեկավար Ստյոպա Չոբանյանն ասաց, որ Արմանի ծնողները 5 որդի ունեն: Նա Արման Անդրեասյանին գիտի որպես խելոք, համեստ տղա. «Կարող եմ փոխանցել հարևանների, բարեկամների և համայնքի բնակիչների ասածները՝ շատ հոյակապ երեխա»:
