Սիրիայում մեկնարկել են խորհրդարանական ընտրությունները
Սիրիայի տարածքում բացվել են ընտրատեղամասերը, որտեղ երկրի քաղաքացիները պետք է քվեարկեն և իրենց ձայնը տան խորհրդարանական ընտրությունների մասնակիցների օգտին, հայտնում է սիրիական SANA գործակալությունը:
Ավելի քան 7 հազար ընտրատեղամաս է բացվել խորհրդարանական ընտրությունների ընթացքի ապահովման նպատակով, հայտնում է գործակալությունը: Ընտրատեղամասերը բաց կլինեն մինչև ժ. 19.00-ն:
Քվեարկությունը կարող է երկարաձգվել գերագույն հանձնաժողովի որոշմամբ:
Հաղորդագրության մեջ նաև ասվում է, որ խորհրդարանական ընտրությունների ընթացքը ապահովելու նպատակով Դամասկոսի Sheraton հյուրանոցում մեդիակենտրոն է բացվել:
Ավելի վաղ ԱՄՆ Պետդեպարտամենտի ներկայացուցիչ Մարկ Թոները հայտարարել էր, որ, հաշվի առնելով Սիրիայի ներկայիս իրավիճակը, «ընտրությունները ժամանակավրեպ են»:
