Ռուսաստանն Ադրբեջանի համար երկու լցանավ կկառուցի
Ռուսական «Կրասնոյե Սորմովո» (Красное Сормово) նավաշինական գործարանն ու ադրբեջանական Caspian Marine Services Limited ընկերությունն ստորագրել են պայմանագիր RST27 նախագծի երկու լցանավի կառուցման և մատակարարման վերաբերյալ: Այս մասին, ինչպես տեղեկացնում է Trend-ը, ասվում է գործարանի կայքում հրապարակված հաղորդագրության մեջ:
Պայմանագրի համաձայն՝ լցանավերը պատվիրատուին կմատակարարվեն 2016-2017 թվականների ընթացքում։
Լցանավերը պատվիրատուն՝ Caspian Marine Services LTD-ն, ղեկավարում է ծովային օժանդակ նավատորմը, որը ներգրավված է Կասպից ծովի շելֆի նավթագային նախագծերում։
«Կրասնոյե Սորմովոն» ռուսական ամենահին նավաշինական ձեռնարկություններից է:
