Քաղաքականությունն ու ահաբեկչությանն օժանդակելն անհամատեղելի են. Էրդողան
Թուրքիայի նախագահ Ռեջեփ Թայիփ Էրդողանը կոչ է արել անհապաղ անձեռնմխելիությունից զրկել Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) կուսակցության պատգամավորներին, հայտնում է թուրքական TRT Haber հեռուստաալիքը:
Էրդողանը անթույլատրելի է համարել «Քրդական աշխատավորական» կուսակցության (PKK) պատգամավորների ներկայությունը խորհրդարանում:
Էրդողանի խոսքով՝ քաղաքականությունն ու ահաբեկչությանն օժանդակելն անհամատեղելի են:
Հիշեցնենք, որ ապրիլի 1-ին Թուրքիայի արդարադատության նախարարությունը դիմել է երկրի խորհրդարանին՝ հարց բարձրացնելով HDP-ի համանախագահ Սալահադդին Դեմիրթաշին և մի շարք այլ պատգամավորների անձեռնմխելիությունից զրկելու մասին:
