Ղրղըզստանի վարչապետը սկանդալի պատճառով հրաժարական է ներկայացրել
Ղրղըզստանի վարչապետ Թեմիր Սարիևն այսօր հայտարարել է, որ հրաժարական է տալիս:
«Ծանր լուրերը խախտում են հասարակության կայունությունը, ես՝ որպես վարչապետ, հրաժարական եմ տալիս»,- ասել է Սարիևը նախարարների կաբինետի արտահերթ նիստի ժամանակ:
Ղրղըզստանի վարչապետի հրաժարականը նշանակում է ողջ կաբինետի հրաժարական: Սպասվում է, որ կառավարության ողջ կազմը, բացառությամբ վարչապետի, կիրականացնի պարտականությունները մինչև նոր կաբինետի ձևավորումը:
Ինչպես հայտնում է RIA Novosti-ն, հղում կատարելով խորհրդարանական Չինիբայ Թուրսունբեկովին, իրավապահները պետք է հետաքննություն իրականացնեն Սարիևի հասցեին հնչող մեղադրանքների առնչությամբ: Նա ասել է, որ Սարիևի կաբինետում չկա միասնականություն ու մի շարք տարաձայնություններ կան նախարարների և կառավարության ղեկավարի միջև:
Սարիևը վարչապետի պաշտոնում էր նշանակվել անցած տարվա մայիսին:
