«Ռայո Վալյեկանոն» առանց Օզբիլիսի պարտվեց «Ատլետիկին»
Ապրիլի 10-ին Բիլբաոյում տեղի ունեցավ Իսպանիայի առաջնության 32-րդ տուրի խաղը տեղի «Ատլետիկի» և «Ռայո Վալյեկանոյի» միջև:
Հանդիպման միակ գնդակը 61-րդ րոպեին խփեց բասկերի հարձակվող Ինյակի Ուիլյամսը: Հայաստանի հավաքականի կիսապաշտպան Արազ Օզբիլիսը, ով վարձավճարով խաղում է «Ռայո Վալյեկանոյում», ամբողջ հանդիպումն անցկացրեց պահեստայինների նստարանին: Նրա նկատմամբ իրավունքները պատկանում են թուրքական «Բեշիկթաշին»:
«Ատլետիկը» 51 միավորով գտնվում է Պրիմերայի մրցաշարային աղյուսակի 6-րդ հորիզոնականում, իսկ «Ռայո Վալյեկանոն»՝ 31 միավորով` 16-ում:
Պատրաստեց Անի Գաբուզյանը
