Ֆրանսիայում Ադրբեջանի դեսպանը համաձայնել է բանավիճել Մուրադ Փափազյանի հետ
Ֆրանսիայում Ադրբեջանի դեսպան Էլչին Ամիրբաևը համաձայնել է «Ֆրանս 24»-ի եթերում բանավիճել Ֆրանսիայում հայկական կազմակերպությունները կոորդինացնող խորհրդի համանախագահ Մուրադ Փափազյանի հետ: Այս մասին ֆեյսբուքյան իր էջում գրել է Փափազյանը՝ հավելելով, թե բանավեճի ընթացքում. «կպաշտպանեմ Ղարաբաղի դիրքորոշումները»:
Հիշեցնենք, որ ավելի վաղ դեսպան Ամիրբաևը հրաժարվել էր բանավեճից, սակայն հանրային-քաղաքական շրջանակներում հնչեցված քննադատությունից հետո համաձայնել է: «Հասկանալի է, որ բանավեճը Ադրբեջանի մշակույթի մաս չէ»,- գրել էր Փափազյանը:
