Պուտինը Նազարբաևին պատմել է ԼՂ-ում կարգավորման հարցում ՌԴ-ի քայլերի մասին
ՌԴ նախագահ Վլադիմիր Պուտինը հեռախոսազրույց է ունեցել Ղազախստանի նախագահ Նուրսուլթան Նազարբաևի հետ, որի ժամանակ վերջինիս տեղեկացրել է Ռուսաստանի կողմից Ղարաբաղում իրականացվող կարգավորման ջանքերի մասին, հայտնում է Կրեմլի մամուլի ծառայությունը:
«Տեղի է ունեցել կարծիքների փոխանակություն Լեռնային Ղարաբաղի իրադարձությունների զարգացման շուրջ՝ հաշվի առնելով վերջին օրերին Ադրբեջանի և Հայաստանի նախագահների հեռախոսազրույցները: Վլադիմիր Պուտինը տեղեկացրել է ռուսական կողմի ձեռնարկած միջնորդական քայլերի մասին, ներառյալ՝ Ռուսաստանի Դաշնության կառավարության նախագահի, արտգործնախարարի և պաշտպանական գերատեսչության ղեկավարի կողմից շփումները»,- ասվում է հաղորդագրության մեջ:
Երկու երկրների ղեկավարները քննարկել են երկկողմ համագործակցության որոշ հարցեր ու ԵՏՄ-ի շրջանակում բարձր մակարդակով կայանալիք հանդիպումների գրաֆիկը:
