Գյումրիում տեղի է ունեցել զոհված զինվոր Վիկտոր Յուզիխովիչի հոգեհանգստի կարգը
tsayg.am. Գյումրիի Սուրբ Նշան եկեղեցին երեկ մարդաշատ էր. տեղի ունեցավ Վիկտոր Յուզիխովիչի հոգեհանգստի կարգը: 1997 թվականին ծնված գյումրեցի Վիկտոր Յուզիխովիչը հերոսի մահով ընկած մեր տղաներից մեկն է: Նրա մայրը հայ է, հայրը` մոլդովացի: Տղան բռնցքամարտիկ էր: Բազմաթիվ առաջնությունների մեդալակիր: Ավարտել է Գյումրու Օլիմպիական քոլեջը: Մարզիչները Վիկտորի հետ մեծ հույսեր էին կապում` վստահ էին` տղան մեծ մարզիկ է դառնալու, բայց Վիկտորը դիվերսիոն հարձակման զոհ դարձավ` կյանքը տալով հանուն հայրենիքի:
