Վրաստանի վարչապետը մայիսի վերջին կայցելի Ադրբեջան
Վրաստանի վարչապետ Գեորգի Կվիրիկաշվիլին կայցելի Ադրբեջան: Ինչպես հայտնել է Վրաստանում Ադրբեջանի դեսպանը, վրացական պատվիրակությունը կմասնակցի Վրաստան-Ադրբեջան միջկառավարական հանձնաժողովի նիստին, հայտնում է «Գրուզիա օնլայնը»:
«Ադրբեջանը մայիսի վերջին պաշտոնական այցով հրավիրել է Վրաստանի վարչապետին և այդ հանդիպման շրջանակում պլանավորված է անցկացնել Վրաստան-Ադրբեջան միջկառավարական հանձնաժողովի հերթական նիստը։ Երկու կողմից հանձնաժողովը կղեկավարեն վարչապետները։ Ներկայում մենք ակտիվորեն պատրաստվում ենք Վրաստանի վարչապետի այցին ու նիստի անցկացմանը»,- հայտարարել է նա։
