««Բարսելոնայի» հետ խաղում անակնկալները քիչ հավանական են». Դիեգո Սիմեոնե
«Ատլետիկոյի» գլխավոր մարզիչ Դիեգո Սիմեոնեն կիսվել է Չեմպիոնների լիգայի քառորդ եզրափակչում «Բարսելոնայի» հետ անցկացվելիք խաղի սպասումներով:
«Երկու թիմերն էլ գերազանց գիտեն իրար, դրա համար անակնկալները քիչ հավանական են: Չեմ կարծում, որ «Բարսելոնայի» պարտությունն Էլ Կլասիկոյում ինչ-որ կերպ կազդի մեր խաղի վրա:
Մենք միշտ տրամադրվում ենք ուժեղագույն «Բարսելոնայի» դեմ խաղին: Նրանք տրամադրված կլինեն պայքարի, չէ՞ որ տանն են խաղում: Դա ուժեղ և բարդ հակառակորդ է»,- ասել է Սիմեոնեն:
«Բարսելոնա» – «Ատլետիկո» խաղը տեղի կունենա ապրիլի 5-ին, ժամը 22:45-ին:
Պատրաստեց Անի Գաբուզյանը
