«Կարծում եմ, որ այդպիսի լուրջ խնդիրներ չունենք». Արմեն Մուրադյանը՝ վերահսկիչ պալատի ուսումնասիրության մասին
«Բոլոր մեկնաբանությունները տրված են, կարծում եմ, որ այդպիսի լուրջ խնդիրներ չունենք»,- այս մասին այսօր Կառավարության նիսի ավարտից հետո լրագրողների հետ զրույցում ասաց ՀՀ առողջապահության նախարար Արմեն Մուրադյանը՝ խոսելով վերսհկիչ պալատի ուսումնասիրությունների մասին:
Վերահսկիչ պալատն անցած տարի ուսումնասիրել էր Առողջապահության նախարարության կողմից վերջին 2 տարում կենտրոնացված կարգով իրականացված գնումների, բնակչությանը դեղերով ապահովման նպատակով բժշկական հաստատություններին հատկացված միջոցների ծախսման արդյունավետության, նաև՝ դեղերի շրջանառության գործող օրենսդրությանը համապատասխանության հարցեր՝ մատնանշելով որոշակի խնդիրներ:
«Առհասարակ սկզբունքը հետևյալն է՝ գնել արտադրողից և գnել երկարամյա, և փորձը ցույց է տալիս, որ նման սկզբունքի դեպքում մենք կարողանում ենք անգամներով ավելի էժան և անգամներով ավելի որակյալ դեղորայք ձեռք բերել»,- ասաց Արմեն Մուրադյանը:
