Իտալիայում ձերբակալվել է 13 սպանության մեջ կասկածվող բուժքույրը
Իտալիայում մարտի 31-ին ձերբակալվել է մի բուժքույր, որին կասկածում են մի շարք սպանությունների մասնակից լինելու մեջ: ԱՆՍԱ գործակալության փոխանցմամբ՝ Պիոմբինո քաղաքի (Տոսկանայի մարզ) հիվանդանոցի բուժաշխատողը պատասխանատու է 2014-2015 թվականներին 13 հիվանդների մահվան համար:
Հետաքննության տվյալներով՝ կինը տարբեր ախտորոշումներով հոսպիտալացված հիվանդներին ներարկել է դեղային պատրաստուկներ, որոնք նրանց ոչ ոք չի նշանակել:
Սա մարդասպան-բուժքրոջ երկրորդ դեպքն է Ապենիններում: Ամսվա սկզբին առաջնային դատական ատյանը ցմահ բանտարկության է դատապարտել նախկին բուժքույր Դանիելա Պոջալիին, որը մեղավոր է ճանաչվել 2014 թվականի հունվարին հիվանդ տարեց կնոջ կանխամտածված սպանության մեջ, հաղորդել է ՏԱՍՍ-ը:
