Մոսկվան հայտարարել է, որ ՆԱՏՕ-ին Ուկրաինայի և Վրաստանի անդամակցումը «կպայթեցնի իրադրությունը»
ՆԱՏՕ-ին Ուկրաինայի եւ Վրաստանի անդամակցումը Եվրոպային կկանգնեցնի ընդգրկուն ճգնաժամի եզրին: Այդ մասին «Ռոսիա 24» հեռուստաալիքի եթերում հայտարարել է ՆԱՏՕ-ին առընթեր Ռուսաստանի մշտական ներկայացուցիչ Ալեքսանդր Գրուշկոն:
«Անհնար է պատկերացնել, որ այդ երկրները շարունակեն ՆԱՏՕ-ին անդամակցելու հույսեր փայփայել, եւ որ դաշինքն իրապես նրանց ընդունելու պլաններ պատրաստի, քանի որ դա կպայթեցնի իրադրությունը եւ Եվրոպան կկանգնեցնի ճգնաժամի եզրին, որի չափերն ու մասշտաբներն այսօր հնարավոր չէ պատկերացնել»,- նշել է ՌԴ մշտական ներկայացուցիչը:
