Մեդվեդևն ապրիլի 7-ին կժամանի Երևան՝ մասնակցելու Եվրասիական միջկառավարական խորհրդի նիստին
Ռուսաստանի վարչապետ Դմիտրի Մեդվեդևն ապրիլի 7-ին երկօրյա այցով կժամանի Հայաստան՝ մասնակցելու Եվրասիական միջկառավարական խորհրդի նիստին, հայտնում է RIA Novosti-ն՝ հղում կատարելով ՌԴ նախարարների կաբինետի մամուլի ծառայությանը:
«Ապրիլի 8-ին Երևանում Ռուսաստանի կառավարության նախագահը կմասնակցի Եվրասիական միջկառավարական խորհրդի նիստին: Օրակարգը ներառում է Եվրասիական տնտեսական ինտեգրման խորացման առաջնային խնդիրներ»,- ասվում է մամուլի հաղորդագրության մեջ:
Հաղորդվում է, որ այցի շրջանակում ՌԴ վարչապետը Հայաստանի ղեկավարության հետ կքննարկի երկու երկրների առևտրա-տնտեսական, ներդրումային, էներգետիկ, արդյունաբերական, մշակութային, մարդասիրական ու այլ ոլորտներին առնչվող հարցեր:
Այցի շրջանակում ստորագրվելու են մի շարք միջկառավարական և միջգերատեսչական փաստաթղթեր:
