Վրաստանում գրանցվել են անչափահասների հետ սեքսուալ բնույթի գործողությունների կատարման բազմաթիվ դեպքեր
Վրաստանում 2015թ. գրանցվել է 189 դեպք՝ կապված 16 տարեկանից ցածր դեռահասների նկատմամբ սեքսուալ բնույթի գործողությունների կատարման հետ, հայտնում է newsgeorgia.ge-ն՝ վկայակոչելով Վրաստանի գլխավոր դատախազությանը:
Քրեական գործեր են հարուցվել «սեռական հարաբերություն կամ սեքսուալ բնույթի այլ գործողություններ 16 տարին չլրացած անձի հետ» հոդվածով:
28 դեպքում հետաքննությունը դադարեցվել է հանցակազմի բացակայության պատճառով:
Ինչ վերաբերում է հանցագործությունների աշխարհագրությանը, ամենից հաճախ դեռահասների նկատմամբ բռնություններ գրանցվել են Քվեմո-Քարթլիում (67 դեպք), ապա հաջորդում է Կախեթը (29), Աջարիան (24), Սամեգրելոն ու Զեմո Սվանեթին (21): Թբիլիսիում 2015թ. գրանցվել է անչափահասների հետ սեքսուալ բնույթի գործողությունների կատարման 7 դեպք:
