Էրդողանի այցը Բաքու դարձյալ չեղյալ է հայտարարվել
Թուրք-ադրբեջանական բարձր մակարդակի ռազմավարական համագործակցության խորհրդի 5-րդ նիստը, որը պետք է տեղի ունենար մարտի 15-ին, դարձյալ չեղյալ է հայտարարվել: Հանդիպումը տեղի կունենա ոչ թե Բաքվում, այլ Անկարայում, հայտնում է Anadolu գործակալությունը:
Գործակալության հաղորդմամբ՝ Ադրբեջանի նախագահ Իլհամ Ալիևը, ի համերաշխության նշան Անկարայի ահաբեկչության, առաջարկել է հանդիպումը տեղափոխել Թուրքիայի մայրաքաղաք:
Թուրքիայի նախագահ Ռեջեփ Թայիփ Էրդողանն այդ քայլն անվանել է «համերաշխության կոնկրետ դրսևորում» ու շնորհակալություն է հայտնել Ալիևին:
