Մանուել Պելեգրինին առաջարկություն ունի «Զենիթից»
«Մանչեսթեր Սիթիի» գլխավոր մարզչի ներկայացուցիչ Խեսուս Մարտինեսը հայտարարել է, որ իր հաճախորդն ունի կարիերան շարունակելու 4 տարբերակ:
«Պելեգրինին տարբեր երկրների ակումբներից ստացել է 4 առաջարկություն: Այդ ակումբներից մեկն է «Զենիթը»: Կարծում եմ, որ նրա տեղափոխությունը «Զենիթ» հնարավոր է»,- ասել է Մարտինեսը:
Պելեգրինին կհեռանա «Մանչեսթեր Սիթիից» մրցաշրջանի ավարտից հետո, իսկ թիմի գլխավոր մարզչի պաշտոնը կգրավի Պեպ Գվարդիոլան:
Պելեգրինին «Մանչեսթեր Սիթիի» գլխավոր մարզիչ է դարձել 2013թ.-ին: Նրա ղեկավարությամբ 2013-14թթ. մրցաշրջանում ակումբը դարձել է Անգլիայի չեմպիոն և Լիգայի գավաթի գավաթակիր:
Պատրաստեց Անի Գաբուզյանը
