«Մեսսին է ինձ հետ խաղացել «Բարսելոնայում», այլ ոչ թե՝ ես նրա հետ». Էտո’Օ
Կատալոնական «Բարսելոնայի» նախկին հարձակվող Սամուել Էտո՝Օն խոսել է Ռոնալդուի և Մեսսիի հավերժական թվացող պայքարի մասին, ինչպես նաև գովեստի խոսքեր է հղել Մեսսիին:
Կամերունցի ֆուտբոլիստը նշել է, որ Մեսսին ուժեղ է Ռոնալդուից:
«Ես տեսել եմ՝ ինչպես է Մեսսին առաջադիմել։ Երբ խաղում էի «Բարսելոնայում», Լեոն դեռ երեխա էր։ Նա շատ համեստ է ու դրա շնորհիվ կլինի լավագույնը ևս 10 տարի:
Իսկ եթե խոսենք իմ մասին, ապա Մեսսին է ինձ հետ խաղացել «Բարսելոնայում», այլ ոչ թե՝ ես նրա հետ»,- նշել է ֆուտբոլիստը:
Սիրարփի Աղաբաբյան
