Պայթյուն ու հրաձգություն Ստամբուլի ոստիկանական տեղամասերից մեկում
Հզոր պայթյուն է որոտացել Ստամբուլի արվարձաններից մեկում՝ ոստիկանական տեղամասերից մեկի հարևանությամբ: Այս մասին հայտնում է CNN Türk-ը:
Հեռուստաալիքի տեղեկություններով՝ պայթյունն ուղեկցվել է հրաձգությամբ, այլ մանրամասների մասին տեղեկություններ չեն հաղորդվում: Դեպքը տեղի է ունեցել Ստամբուլի Բայրամփաշա շրջանում, հայտնում է NTV հեռուստաալիքը:
Ենթադրաբար, երկու կին ահաբեկիչներ մի քանի նռնակ են նետել ոստիկանական բաժանմունքի վրա: Զոհերի ու տուժածների մասին տեղեկություններ չկան:
Ներկայում ոստիկանությունը որոնում է հարձակվողներին:
