ՀՀ-ն ապրիլից ազգային նոր ավիափոխադրող կունենա. $49-ով հնարավոր կլինի Եվրոպա մեկնել. Panarmenian.net
Հայաստանի ավիաշուկայում ապրիլից կհայտնվի նոր ազգային փոխադրող` Armenia ավիաընկերությունը, որն ուղևորներին էժան գներով ավիատոմսեր կառաջարկի: Այս մասին տեղեկացնում է Panarmenian.net-ը:
Armenia ավիաընկերությունը 49 դոլարով չվերթեր կիրականացնի Երևանից Եվրոպա, ԱՊՀ երկրներ, մասամբ` Ասիայի երկրներ։ Այդ մասին հայտնել է ավիաընկերության բաժնետերերից մեկը` Թամազ Գաիաշվիլին։
Նրա խոսքով` այսուհետև Հայաստանից կարելի է մեկնել տարբեր ուղղություններով մատչելի և խելամիտ գներով։ «Նման գնով կարող են թռչել նրանք, ովքեր նախօրոք` մեկ կամ երկու ամիս առաջ, տոմսեր կպատվիրեն»,- նշել է Գաիաշվիլին և ավելացրել, որ հայկական ազգային ավիափոխադրողի առաջին թռիչքը կիրականացվի ապրիլի երկրորդ կեսին, հաղորդում է Sputnik Արմենիայան։
Մեկնաբանելով լուրերն այն մասին, որ նոր ավիաընկերության բաժնետերերից մեկը կդառնա Հայաստանի վարչապետ Հովիկ Աբրահամյանը, Գաիաշվիլին նշել է, որ դա սուտ է և սադրանք։ Նա հավելել է, որ ոչ ոք, հատկապես Հայաստանի ղեկավարությունը, կապված չէ ընկերության հետ։ Գաիաշվիլին նշել է, որ հայկական իշխանությունները, հակառակը, շահագրգռված են, որ ոտքի կանգնեցնեն հայկական ավիացիան։
Ամբողջությամբ՝ սկզբնաղբյուր կայքում: