«Տուխելի օրոք «Բորուսիան» ավելի հարձակողական է խաղում». Հենրիխ Մխիթարյան
Դորտմունդի «Բորուսիայի» կիսապաշտպան Հենրիխ Մխիթարյանը պատմել է, թե ինչում է փոխվել թիմի խաղն այն բանից հետո, ինչ այն գլխավորել է Թոմաս Տուխելը: Վերջինս նախորդ մրցաշրջանի ավարտից հետո այդ պաշտոնում փոխարինեց Յուրգեն Կլոպին, ով էլ իր հերթին՝ հետագայում գլխավորեց «Լիվերպուլը»:
«Երբ Տուխելը դարձավ «Բորուսիայի» գլխավոր մարզիչը, մենք սկսեցինք օգտագործել խաղի այլ ոճ: Մեր թիմն աշխատում է ավելի շատ գնդակ պահել, կատարել ավելի շատ փոխանցումներ և ավելի հարձակողական խաղալ: Իսկ Կլոպի ժամանակ մենք ուրիշ ֆուտբոլ էինք խաղում. կային ավելի շատ արագ հակահարձակումներ, ֆիզիկական պայքար և պրեսինգ»,- Հայաստանի հավաքականի ֆուտբոլիստի խոսքերն է մեջբերում Bleacher Report-ը:
Ընթացիկ մրցաշրջանում Մխիթարյանը Գերմանիայի առաջնությունում անցկացրել է 20 հանդիպում, դարձել է 8 գոլի և 9 գոլային փոխանցման հեղինակ:
Պատրաստեց Անի Գաբուզյանը
