Էր-Ռիադը պատրաստ է հրթիռներ մատակարարել Սիրիայի ընդդիմությանը
Սաուդյան Արաբիայի արտգործնախարար Ադել ալ-Ջուբեյրը հայտնել է, որ Էր-Ռիադը կարող է սիրիական չափավոր ընդդիմությանը մատակարարել «երկիր-երկինք» դասի հրթիռներ, ինչը կնպաստի ուժերի վերադասավորությանը, հայտնում է vesti-ն:
Հրթիռների մատակարարումը, ըստ Ջուբեյրի, թույլ կտա չափավոր ընդդիմադիրներին «խոցել ռեժիմի ուղղաթիռներն ու ինքնաթիռները, որոնք կրակում են քիմիական զենքից ու նրանց ռմբակոծում են»:
Խոսելով ուժերի վերադասավորության մասին՝ նախարարը հիշեցրել է Աֆղանստանում մի քանի տարի առաջ ստեղծված իրավիճակը:
Նա մտավախություն է հայտնել, որ զենքը կարող է հայտնվել ոչ այն ձեռքերում: Այդ հարցում հարկավոր է զգուշավորություն ցուցաբերել, կարծում է Սաուդյան Արաբիայի արտգործնախարարը:
