Ահաբեկիչները կարող են հարձակումներ իրականացնել ԱՄՆ-ում. ԿՀՎ ղեկավար
Ահաբեկիչները կարող են փորձել հարձակումներ կազմակերպել ԱՄՆ-ում: Այս մասին հայտարարել է ԿՀՎ տնօրեն Ջոն Բրեննանը: Միաժամանակ, նա նշել է, որ կասկածում է, թե դա նրանց կհաջողվի, տեղեկացնում է korrespondent.net-ը:
«Ես սպասում եմ, որ նրանք կփորձեն տեղափոխել իրենց անձնակազմը, նյութերն ու ամեն ինչ, ինչ նրանց հարկավոր կլինի, որպեսզի իրականացնեն դա կամ ներգրավեն մարդկանց նման հարձակումներ իրականացնելու համար»,- հայտարարել է Բրեննանը:
«Ես կարծում եմ, որ նրանց փորձերը կանխորոշված են, ու ես չեմ կարծում, թե նրանք պարտադիր հաջողության կհասնեն»,- հավելել է ԿՀՎ տնօրենը:
Բրեննանը նաև հայտարարել է, որ նման գործողություններով ահաբեկիչները կփորձեն կոնֆլիկտ հրահրել Արևմուտքի ու աշխարհի մուսուլմանների միջև:
Իսլամիստների հայտարարություններն այն մասին, թե ԱՄՆ-ը փորձում է վերահսկողություն սահմանել իրենց երկրների նկատմամբ, հեռու են ճշմարտությունից, հայտարարել է վերջինս:
