Աջափնյակում հնչած կրակոցների գործով բերման ենթարկված անձ կա
Հունվարի 26-ին Աջափնյակում հնչած կրակոցների գործով բերման ենթարկված անձ կա: Այս տեղեկությունը 168.am-ի հետ զրույցում հաստատեցին ՀՀ ոստիկանության հասարակայնության հետ կապի և լրատվության վարչությունից: Հայտնեցին նաև, որ կասկածյալների շրջանակը պարզ է:
Նշենք, որ աջ ազդրի և հետույքի շրջանում հրազենային վնասվածքներով հիվանդանոց էին տեղափոխվել 1969թ. ծնված Ա. Թորոյանը և 1980թ. ծնված Ս.Գրիգորյանը: Կրակոցների արդյունքում նրանք ստացել էին չթափանցող մարմնական վնասվածքներ:
Դեպքի առթիվ ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 113-րդ հոդվածի 2-րդ մասի 1-ին կետով և 235-րդ հոդվածի 1-ին մասով:
