PKK-ի դեմ մարտերում թուրք զինծառայողներ են սպանվել
Թուրքիայի գլխավոր շտաբը հայտնել է Թուրքիայի հարավարևելյան Շիրնակ նահանգում «Քրդստանի աշխատավորական» կուսակցության (PKK) կողմից 2 թուրք զինծառայողի սպանության մասին, տեղեկացնում է RIA Novosti-ն:
Զինվորներից մեկը վիրավորվել է քրդաբնակ Ջիզրե քաղաքում քուրդ զինյալների հարձակման հետևանքով ու ավելի ուշ մահացել հոսպիտալում, մյուս զինծառայողը մահացել է Դիարբեքիրի հոսպիտալում՝ Սուր շրջանում ընթացող մարտերում ծանր վնասվածքներ ստանալուց հետո, նշված է Թուրքիայի ռազմական գերատեսչության հաղորդագրության մեջ:
Հիշեցնենք, որ Թուրքիայի իշխանությունները դեկտեմբերին պարետային ժամ են սահմանել երկրի հարավարևելյան շրջաններում, որոնք հիմնականում քրդաբնակ են:
